SI-stevne 7
Søndag 5.september kl 1400 blir det arrangert stevne på Sandnes stadion med øvingane 100m, 200m og 1500m.
SI-stevne 6
Det er etterapprobert stevne Torsdag 19.august kl 1800 på Sandnes stadion med øvingane: 60m (kun 13/14), 100m, 200m, 1500m, 200m hekk (13/14), 300m hekk (15+), korthekk (15+) lengde, tresteg, høgde, diskos og slegge. Stevnet er for alle utøvarar frå og med 13 år og oppover.
SI-stevne 5
Det er etterapprobert stevne Torsdag 5.august kl 1800 på Sandnes stadion med øvingane: 60m (kun for yngre klassar), 100m, 200m, 400m, 600m (kun for yngre klassar), 800, lengde, kule og spyd. Stevnet er for alle utøvarar frå og med 10 år og oppover. Fleire øvingar kan bli lagt til (td mellomdistanse). Lista over øvingar ovanfor blir isåfall oppdatert.
Vindsprint
Søndag kl 1600 er det klart for årets utgåve av Vindsprint på Sandnes stadion. Dette er femte året dette arrangementet blir gjennomført. Pengepremiar for 10000 kroner skal fordelast på dei tri beste menna og dei tri beste kvinnene. Følg stevnet på arrangementet sine nettsider.
Utøvarar som skal delta må huska å fylla ut skoskjema som fins på arrangementet sine nettsider. Publikum og trenarar må huska på å fylla ut publikumsskjema som også fins der.
SI-stevne 4
Det er etterapprobert stevne Onsdag 23.juni kl 1800 på Sandnes stadion med øvingane 100m hekk, 110m hekk, 100m, 200m, 1500m, diskos og spyd. Stevnet er for alle utøvarar frå og med 13 år og oppover. Påmeldingsfrist 22.juni kl 23:59.
SI-stevne 3
Det er etterapprobert stevne Torsdag 17.juni kl 1900 på Sandnes stadion med øvingane 100m, 150m, kule og diskos.
SI – stevne 2 for alle kommunar og nivå
Det er nå stadfesta at trinn to av gjenåpningsplanen inkluderer høve for stevnedeltaking på tvers av kommunar og fylker, uavhengig av nivå og alder. Difor er det gledeleg å endeleg kunna invitera alle til SI-stevne 2 på Sandnes stadion torsdag 10.juni kl 1900. Øvingane som er satt opp er 60m hekk, 60m, 100m, 200m, 400m, 1500m, høgde og lengde.
SI-stevne
Torsdag 27.mai kl 1900 blir det arrangert stevne for utøvarar som bur i Sandnes kommune og/eller trener med klubb/lag i kommunen. Dette inkluderer alle frå og med 15 år uavhengig av nivå. Det er fortsatt uklart om trinn 2 av gjenåpningsplanen for landet inkluderer meir fleksibilitet slik at vaksne frå andre kommunar også kan delta. Per 26.mai har t.d. ikkje ein vaksen toppidrettsutøvar frå annan kommune lov til å konkurrera mot ein vaksen breiddeutøvar frå Sandnes kommune. Viss me får klarsignal frå NFIF før stevnestart, vil me opna opp større geografisk fleksibilitet. Isåfall blir det infomert om i oppdatering her i denne saka.
Påmelding for trenarar og publikum
COOP Jærcup 3
Sandnes IL, Havørn og Sola ønsker velkommen til COOP Jærcup 3 på Sandnes stadion tirsdag 1.juni. Stevnet blir gjennomført etter gjeldande retningslinjer for smittevern på arrangementsdagen. Per 20.mai betyr dette at stevnet vil bli delt inn i økter med 200 personer om gangen. Alle som konkurrerer for klubbar/lag tilhøyrande Rogaland Friidrettskrets, og som er under 20 år, eller som er definert som toppidrettsutøvar, kan delta i dette stevnet.
Viss retningslinjene for smittevern blir endra, vil arrangementet bli justert ihht dette. Isåfall vil det bli informert om det her.
Oppvarmingsmuligheter for gruppe 13+
Utøvarar som er 13 år og eldre slepper inn på stadion frå kl 1930. Oppvarming i forkant av dette foregår i området utfor stadion. Dvs Gisketjern, Ormaskogen inkl joggeløyper. Sprintstripa ved kunstgrasbanen er tilgjengeleg og det vil bli satt ut hekkar her. Jogging skal ikkje foregå på sprintstripa då denne er prioritert til stigningsløp og drill.
Samling skal ikkje foregå framfor inngangsporten til stadion. Avtal heller annan møteplass.
For at trenarar og publikum skal sleppa effektivt inn på stadion, er det sterkt ønska at alle fyller ut påmeldingsskjemaet under før ein kjem til stadion.
Velkommen til COOP Jærcup 1 tirsdag 11.mai
Sandnes IL ønsker velkommen til COOP Jærcup 1 på Sandnes stadion. Me håper at det nåværande lokale arrangementsforbudet blir oppheva torsdag 6.mai og at me kan gjennomføra stevnet etter gjeldande nasjonale retningslinjer i nær framtid. Det betyr at stevnet vil bli delt inn i økter med 200 personer om gangen. Alle som konkurrerer for klubbar/lag tilhøyrande Rogaland Friidrettskrets, og som er under 20 år, kan delta i dette stevnet.
Oppdatering per 04.mai: Etter at det i dag blei bestemt at dei regionale smittevernstiltaka, som inkluderer arrangementsforbud, blir forlenga til og med torsdag 6.mai, blir me nødt til å utsetta COOP Jærcup 1. Ny dato vil bli lagt ut her på kvelden torsdag 6.mai. Etter dette vil arrangementet i MinIdrett bli åpna opp igjen slik at utøvarar kan melda seg av og på. Husk å meld deg av viss du ikkje har høve til å stilla på den nye datoen.
Oppdatering per.06.mai: Lokale myndigheter har kunngjort at nord-jæren går over til nasjonalt tiltaksnivå frå og med fredag. Ny dato for COOP Jærcup 1 blir tirsdag 11.mai med påmeldingsfrist laurdag 8.mai kl 23:59. MinIdrett blir nå åpna opp for på- og avmelding igjen. Husk å meld deg av viss den nye datoen ikkje passer.